Vazifa va qadriyatlari

Bankning vazifasi: 

Eng yaxshi yechimlarni taklif qilish va manfaatdor tomonlarimiz bilan umumiy muvaffaqiyatni ta’minlash orqali mijozlar kutganidan ham yaxshiroq natijalarga erishish.

Bankning qarashlari:

Biz doimiy rivojlanishni va O‘zbekistonning eng yaxshi banki bo‘lishni maqsad qilganmiz:
- Mijozlarga xizmat ko‘rsatish darajasi va brendning taniqliligi bo‘yicha.
- Bankning aktivlar hajmi bo‘yicha TOP-15 banklar qatoridagi o‘rnini tasdiqlash.
- Daromadlilik (aksiya qiymati) ko‘rsatkichlari bo‘yicha O‘zbekistondagi eng yaxshi banklar TOP-10 talikka kirish.

Bankning biznes tamoyillari:

Faoliyatining sohasi va maqsadi

Bank operatsiyalari O‘zbekiston Respublikasi “Banklar va bank faoliyati to‘g‘risida”gi qonunida belgilangan tartibda O‘zbekiston Respublikasi Markaziy bankining maxsus ruxsatnomasi (litsenziya) asosida amalga oshiriladi.

Bank quyidagi bank operatsiyalarini amalga oshirishi mumkin:

• Jismoniy va yuridik shaxslarning, shu jumladan vakil banklarning hisobvaraqlarini ochish va yuritish, hisobvaraqlar bo‘yicha hisob-kitob qilish; omonatlarga pul mablag‘larini jalb etish;
• Kreditlarning qaytarishliligi, to‘lovliligi, ta’minlanganligi, maqsadliligi va muddatliligi sharti bilan o‘z mablag‘lari va jalb etilgan mablag‘lar hisobidan o‘z nomidan Bank mijozlariga – korxona, tashkilot va muassasalarga kreditlar berish;
• Mablag‘ egasi yoki mablag‘ni tasarruf etuvchi bilan tuzilgan shartnomaga binoan pul mablag‘larini boshqarish;
• Moliyaviy lizingni tashkillashtirish va amalga oshirish;
• Qimmatli qog‘ozlar chiqarish, xarid qilish, sotish, hisobini yuritish va ularni saqlash, mijoz bilan tuzilgan shartnomaga binoan qimmatli qog‘ozlarni boshqarish, shuningdek qimmatli qog‘ozlar bilan O‘zbekiston Respublikasining amaldagi qonunchiligida taqiqlanmagan boshqa operatsiyalarni barajarish;
• Jismoniy va yuridik shaxslarga hujjatlar va boshqa boyliklarni saqlash uchun maxsus binolar yoki ular ichidagi po‘lat sandiqlarni ijaraga berish;
• Uchinchi shaxslardan majburiyatlarning bajarilishini talab qilish huquqini olish;
• Bank faoliyati yuzasidan maslahat va axborot xizmati ko‘rsatish;
• Uchinchi shaxslar nomidan majburiyatlarning bajarishini nazarda tutuvchi kafolatlar berish;
• Xalqaro bank amaliyotlariga muvofiq, O‘zbekiston Respublikasi Markaziy banki tomonidan bank operatsiyalarini amalga oshirish uchun berilgan litsenziyasida maxsus ko‘rsatilgan boshqa operatsiyalar;