Bank rivojlanishi

«ASIA ALLIANCE BANK» ATBning rivojlanish strategiyasi Bank aksiyadorlarining yillik umumiy yig'ilishida 29.04.2025-yilda tasdiqlangan bo'lib, u bank faoliyatining asosiy yo'nalishlariga, raspublika moliya-bank tizimini yanada isloh gilish va barqarorligini oshirishga muvofiq Bankning 2025-2028-yillarga mo'ljallangan maqsad va vazifalarini belgilaydi. 

Bankning 2025-2028-yillarga mo‘ljallangan strategiyasi Bankning keng ko‘lamli bank xizmatlarini ko‘rsatuvchi ishonchli, zamonaviy moliyaviy muassasa sifatida bank xizmatlari bozorida mustahkam mavqega erishish va saqlab qolish, bank xizmatlarining barcha mijozlar segmentlarida Bank ishtirokining ulushini oshirish, filiallar tarmog‘ini kengaytirishga bo‘lgan intilishini aks ettiradi.

Quyidagilar Bankning asosiy strategik vazifalari va maqsadlari hisoblanadi:

1. Bozordagi mavqeini mustahkamlash va faoliyatning asosiy ko‘rsatkichlari barqaror o‘sishini ta’minlash
- Xizmat ko‘rsatish sifatini oshirish, innovatsion mahsulotlar va raqamli xizmatlarni joriy etish orqali yangi mijozlarni faol jalb qilish va mavjudlarini saqlab qolish.
- Noyob raqobatbardosh ustunliklarni, shu jumladan mahsulot liniyalari va shaxsiylashtirilgan takliflarni takomillashtirish orqali rivojlantirish.
- Strategik sheriklikni kengaytirish, qo‘shimcha moliyaviy resurslarni jalb qilish va iqtisodiyotning ustuvor tarmoqlarida o‘z o‘rnini mustahkamlash.
- Aktivlar hajmi, kredit portfeli va depozit bazasi, shuningdek, kapitallashuv va investitsiya portfeli bo‘yicha bankning bozor ulushini oshirish.
2. Biznes-modelni rivojlantirish va raqobatbardoshlikni oshirish
- Mijozlarning maqsadli segmentlarining o‘ziga xos xususiyatlarini hisobga olgan holda mahsulot liniyasini takomillashtirish, moliyaviy xizmatlarni diversifikatsiya qilish.
- Raqamli savdo va xizmat ko‘rsatish kanallarini rivojlantirish, mijozlar bilan o‘zaro munosabatlarning omnikanal modeliga o‘tish.
- Narxlarni shakllantirishga yondashuvlarni optimallashtirish va qiymat taklifini oshirish uchun paketli takliflar modellarini joriy etish.
- Mijozlarning moliyaviy xizmatlar sohasidagi aksariyat ehtiyojlarini qondirish imkonini beruvchi mijozlar bilan o‘zaro munosabatlarning yaxlit modelini shakllantirish.
3. Mijozlar tajribasini rivojlantirish
- Ma’lumotlarni tahlil qilish texnologiyalarini joriy etish orqali bank xizmatlarini moslashtirish darajasini oshirish.
- Iste’molchilar so‘rovlariga tezkor javob berish uchun teskari aloqa va mijozlar tahlili tizimini takomillashtirish.
- Raqamli yechimlarni rivojlantirish, xizmat ko‘rsatish jarayonlarini tezlashtirish va bank bilan ishlash qulayligini oshirish.
- Asosiy mijozlar bilan uzoq muddatli hamkorlik munosabatlarini shakllantirish uchun mijozlar menejerlari tizimini rivojlantirish.
4. Operatsion modelni takomillashtirish
- Biznes jarayonlari va operatsion xarajatlarni optimallashtirish, ichki tartib-qoidalar samaradorligini oshirish.
- Korporativ boshqaruvning zamonaviy usullarini joriy etish, ichki nazorat va hisobot tizimini rivojlantirish.
- Faoliyatning asosiy ko‘rsatkichlarini strategik rejalashtirish va monitoring qilishda kollegial organlarning rolini kuchaytirish.
- Operatsion samaradorlikni oshirish uchun bank mahsulotlarini avtomatlashtirish va standartlashtirish.
5. Texnologik takomillashtirish va raqamli transformatsiya
- Avtomatlashtirilgan bank tizimi (ABT) imkoniyatlarini kengaytirish va to‘lov yechimlarini, jumladan VISA Processing va Open API’ni rivojlantirish.
- Kiberxavfsizlik choralarini kuchaytirish, shaxsiy ma’lumotlarni himoya qilish va firibgarlikka qarshi kurashish tizimlarini rivojlantirish.
- Infratuzilmani rivojlantirish, serverlar quvvatini oshirish, tahlil va rejalashtirish uchun Big Data, AI va mashinali o‘rganish texnologiyalarini qo‘llash.
- Bank xizmatlari ishonchliligini oshirish uchun telekommunikatsiya infratuzilmasi va texnik vositalarni takomillashtirish.
6. Ijtimoiy faollikni oshirish va barqaror moliyalashtirish
- Barqaror rivojlanish tamoyillarini joriy etish, ESG tashabbuslarini rivojlantirish va ESG reytinglarini yaxshilash ustida ishlash.
- Modernizatsiya, texnik qayta jihozlash va "yashil" iqtisodiyot sohasidagi loyihalarni moliyalashtirishni kengaytirish.
- Kichik va o‘rta biznesni qo‘llab-quvvatlash, xususiy tadbirkorlar va ijtimoiy loyihalarni kreditlash dasturlarini rivojlantirish.
- Kichik biznes va xususiy tadbirkorlik subyektlarini moliyaviy qo‘llab-quvvatlashda ishtirok etish, kreditlashning maxsus dasturlarini ishlab chiqish.
7. Korporativ boshqaruv va tavakkalchiliklarni boshqarish tizimini rivojlantirish
- Boshqaruvning barcha darajalarida qarorlar qabul qilishda shaffoflik va hisobdorlikni ta’minlash.
- Kredit xatarlarini baholashning zamonaviy modellari va avtomatlashtirilgan skoringni o‘z ichiga olgan xatarlarni boshqarishning kompleks tizimini ishlab chiqish va joriy etish.
- Operatsion va huquqiy risklarni minimallashtirish uchun ichki audit va nazorat mexanizmlarini takomillashtirish.
- Kredit tarixi institutlari bilan hamkorlikni kengaytirish va kredit portfeli sifatini yaxshilash uchun ilg‘or skoring modellarini qo‘llash.
8. Kadrlar va inson kapitalini rivojlantirish
- Motivatsiya, KPI va samaradorlikni baholashni o‘z ichiga olgan zamonaviy inson resurslarini boshqarish tizimini yaratish.
- Yetakchilik, murabbiylik va kadrlar zaxirasini shakllantirish dasturlarini ishlab chiqish.
- Loyihalarni boshqarishning moslashuvchan metodologiyalarini (Agile, Scrum) joriy etish va xodimlarning raqamli texnologiyalar sohasidagi kompetensiyalarini rivojlantirish.
- Korporativ madaniyatni rivojlantirish va xodimlarning martaba o‘sishini ta’minlash, asosiy sohalarga yuqori malakali mutaxassislarni jalb qilish.
9. Xalqaro hamkorlikni va investitsiyaviy jozibadorlikni kengaytirish
- Xorijiy banklar va xalqaro moliya institutlari bilan vakillik aloqalari tarmog‘ini kengaytirish.
- Strategik ahamiyatga ega loyihalarni moliyalashtirish uchun kredit liniyalarini (OTB, ITB, IXSRK) jalb qilish va o‘zlashtirish.
- Bankning xalqaro reytingi va imijini yaxshilash, investitsion jozibadorligini oshirish va salohiyatli strategik investorlar bilan ishlash.